top of page
Search

ಕಾಲೇಜಿನ ವಿದ್ಯಾರ್ಥಿಗಳು ಇತ್ತೀಚೆಗೆ ಹುಬ್ಬಳ್ಳಿಯ ಪ್ರತಿಷ್ಟಿತ ‘ಪಾರ್ಲೆ-ಜಿ’ ಕೈಗಾರಿಕಾ ಭೇಟಿಯನ್ನು ಕೈಗೊಂಡರು

ಗದಗ ತೋಂಟದಾರ್ಯ ಇಂಜಿನೀಯರಿಂಗ್ ಕಾಲೇಜಿನ ವಿದ್ಯಾರ್ಥಿಗಳಿಂದ ಕೈಗಾರಿಕಾ ಭೇಟಿ

ಗದಗ ೧೯: ತರಗತಿಯ ಆಚೆಗೆ ಕಲಿಕೆ, ಪಠ್ಯಪುಸ್ತಕಗಳನ್ನು ಮೀರಿ ತಮ್ಮ ಪರಿಧಿಯನ್ನು ವಿಸ್ತರಿಸುವ ಪ್ರಯತ್ನದಲ್ಲಿ, ನಗರದ ತೋಂಟದಾರ್ಯ ಇಂಜಿನೀಯರಿಂಗ್ ಕಾಲೇಜಿನ ವಿದ್ಯಾರ್ಥಿಗಳು ಇತ್ತೀಚೆಗೆ ಹುಬ್ಬಳ್ಳಿಯ ಪ್ರತಿಷ್ಟಿತ ‘ಪಾರ್ಲೆ-ಜಿ’ ಕೈಗಾರಿಕಾ ಭೇಟಿಯನ್ನು ಕೈಗೊಂಡರು.

ಪಾರ್ಲೆ-ಜಿ ಯ ಮ್ಯಾನೇಜರ ಬಸವರಾಜ ಅಂಗಡಿಯವರು ವಿದ್ಯಾರ್ಥಿಗಳೊಂದಿಗೆ ಮಾತನಾಡುತ್ತಾ, ಕೈಗಾರಿಕಾ ಭೇಟಿಯು ವಿದ್ಯಾರ್ಥಿಗಳಿಗೆ ಅನುಭವದ ಕಲಿಕೆಯನ್ನು ನೀಡುವುದಲ್ಲದೆ, ವ್ಯಾಪಾರ ಜಗತ್ತಿಗೆ ಅರ್ಥಪೂರ್ಣವಾಗಿ ಕೊಡುಗೆ ನೀಡುವ ಭಾವನೆಯನ್ನು ಅವರಲ್ಲಿ ಮೂಡಿಸುತ್ತದೆ ಎಂದರು. ಕಾಲೇಜಿನ ಪ್ರೊ. ಎಸ್. ಎಸ್. ಕಂದಗಲ್ಲ, ಪ್ರೊ. ಜಗದೀಶ ಶಿವನಗುತ್ತಿ ಮತ್ತು ಪ್ರೊ. ಮೃತ್ಯುಂಜಯ ಹೂಗಾರ ಅವರು ವಿದ್ಯಾರ್ಥಿಗಳೊಂದಿಗೆ ಕೈಗಾರಿಕಾ ಭೇಟಿಯನ್ನು ಆಯೋಜಿಸಿದ್ದರು.

ಈ ಭೇಟಿಯಲ್ಲಿ ವಿದ್ಯಾರ್ಥಿಗಳು ವಿವಿಧ ವಲಯಗಳಲ್ಲಿನ ಕಾರ್ಯಾಚರಣೆಗಳು ಮತ್ತು ಪ್ರಕ್ರಿಯೆಗಳನ್ನು ನೇರವಾಗಿ ವೀಕ್ಷಿಸಲು ಅವಕಾಶವನ್ನು ಪಡೆದರು. ಈ ಅನುಭವವು ವ್ಯಾವಹಾರಿಕ ಪ್ರಪಂಚದ ಪ್ರಾಯೋಗಿಕ ವಾಸ್ತವಗಳಿಗೆ ಅವರನ್ನು ತೆರೆದಿಟ್ಟಿತು. ಈ ಭೇಟಿಯು ವಾಣಿಜ್ಯ ಕ್ಷೇತ್ರದತ್ತ ತಮ್ಮ ದೃಷ್ಟಿಕೋನವನ್ನು ಬದಲಿಸಿದೆ ಎಂದು ವಿದ್ಯಾರ್ಥಿಗಳು ವ್ಯಕ್ತಪಡಿಸಿದರು.

ಕೈಗಾರಿಕಾ ಭೇಟಿಯಿಂದ ಕಂಪನಿಯ ಕಾರ್ಯಚಟುವಟಿಕೆಗಳು ಮತ್ತು ಕಾರ್ಯಾಚರಣೆಯ ವಿಧಾನಗಳ ಸಮಗ್ರ ತಿಳುವಳಿಕೆಯನ್ನು ಒದಗಿಸುವ ಜೊತೆಗೆ ಇತ್ತೀಚಿನ ತಂತ್ರಜ್ಞಾನಗಳು ಮತ್ತು ನಾವೀನ್ಯತೆಯನ್ನು ವಿದ್ಯಾರ್ಥಿಗಳಿಗೆ ಪರಿಚಯ ನೀಡಿತು ಎಂದು ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ ವಿಭಾಗದ ಮುಖ್ಯಸ್ಥರಾದ ಡಾ. ಈರಣ್ಣ ಕೋರಚಗಾಂವ ತಿಳಿಸಿದರು.

ಅಂತಹ ಕೈಗಾರಿಕಾ ಭೇಟಿಗಳನ್ನು ಆಯೋಜಿಸುವುದು ಶಿಕ್ಷಣದಲ್ಲಿ ಅನುಭವದ ಕಲಿಕೆಯನ್ನು ಹೆಚ್ಚಿಸಲು ಒಂದು ಅನನ್ಯ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಅಂತಹ ಭೇಟಿಗಳಲ್ಲಿ ಭಾಗವಹಿಸಲು ನಾವು ವಿದ್ಯಾರ್ಥಿಗಳನ್ನು ಸದಾ ಪ್ರೋತ್ಸಾಹಿಸುತ್ತೇವೆ ಎಂದು ಕಾಲೇಜಿನ ಪ್ರಿನ್ಸಿಪಾಲ ಡಾ. ಎಂ. ಎಂ. ಅವಟಿ ಅವರು ಅಭಿಪ್ರಾಯ ಪಟ್ಟರು.




91 views0 comments
bottom of page